K O N K U R S

Fakulteti i Studimeve Islame i Prishtinës, i akredituar më datë 06.07.2012 nga Agjencia e Akreditimit e Kosovës, shpall konkurs për pranimin e studentëve të rinj për vitin akademik 2012/2013.

Të drejtë konkurrimi kanë të gjithë kandidatët të cilët kanë mbaruar medresenë ose ndonjë shkollë tjetër të mesme të përgjithshme brenda dhe jashtë vendit.

N J O F T I M

FAKULTETI I STUDIMEVE ISLAME
Prishtinë
10.07.2012

Njoftohen të gjithë studentët të cilët kanë kaluar provimin nga lënda: Gj. Angleze –I-, -II-, -III- se notat në indeks vendosen ditën e hënë më datë 16.07.2012 nga ora 12.00

Profesoresha e lëndës!

Njoftim

Fakulteti i Studimeve Islame Prishtinë 27.06.2012

N J O F T I M

Njoftohen studentët të cilët kanë paraqitur provimin nga lënda: Gjuhë shqipe se provimi është shtyrë për datën 03.07.2012 (e martë) nga ora 10.00 për shkak se profesori gjendet në një udhëtim jashtë vendit.

Shërbimi për studentë!

 

Njoftim për studentët

Fakulteti i Studimeve Islame
Prishtinë, 27.06.2012

N J O F T I M

Njoftohen studentët të cilët iu janë nënshtruar provimit nga lënda: Stili i Shkrimit Akademik se rezultatet do të publikohen nesër (28.06.2012) prej orës 09.00, gjithashtu do të vendosen edhe notat në index të atyre studentëve që kanë kaluar.
Studentët të cilët nuk vendosin notën në index nesër ajo notë mund t’ju humbet.

Shërbimi për studentë

Në Podgoricë

Pjesëmarrja në akdeminë solemne të maturantëve të Medresesë “Mehmed Fatih” në Podgoricë

Podgorica


Me ftesën e Bashkësisë Islame të Malit të Zi, delegacioni i FSI-së mori pjesë në akademinë solemne të organizuar me rastin e përfundimit të gjeneratës së parë të medresesë “Mehmed Fatih” në Podgoricë më 02-06-2012.
Në këtë solemnitet morën pjesë burrështetas të rangut të lartë, si nga vendi po ashtu edhe nga jashtë. Këtë manifestim me prezencën e tij e nderoi edhe vetë Kryeministri i Malit të Zi dr. Igor Lukshiq  me dy ministra, rektori i Universitetit publik dhe shumë figura të tjera. Kryeministri në një fjalim rasti drejtuar maturantëve, ndër të tjera tha: “Pa marrë parasysh rrugën të cilën e zgjedhin maturantët, dëshira e shtetit është që ata të qëndrojnë dhe të shkollohen në Mal të Zi, por edhe kudo që të shkojnë, duhet ta pasurojnë veten me përvojë e dituri të reja. Shoqëria e Malit të Zi duhet të zhvillohet si shoqëri e mundësive dhe alternativave të shumta. Shoqëri e cila i afirmon dhe ua ofron shanset të gjithëve”. Rektori i universitetit të Malit të Zi, u garantoi të gjithë maturantëve pranim nëpër fakultetet e vendit.

Vizitë në Tiranë

Një delegacion i Fakultetit të Studimeve Islame i Prishtinës vizitoi Universitetin “Beder” të Tiranës
vizita beder
Dekani i FSI-së prof. dr. Qazim Qazimi në shoqërim të prodekanit prof. ass. dr. Zija Abdullahut dhe sekretarit Vedat Shabani më datë 22.05.2012 i bënë  një vizitë zyrtare Universitetit “Beder” të Tiranës.
Delegacioni i FSI-së u prit nga rektori i UB-së, prof.  dr. Ferdinand Gjana i cili i dëshiroi  mirëseardhje delegacionit dhe shprehi gatishmërinë e tij dhe të UB-së për bashkëpunim të ndërsjellë të stafit akademik dhe, ndër të tjera edhe në organizimin e konferencave të përbashkëta me tematika dhe fusha të ndryshme.

Njoftim për pëfundimin e semestrit

FAKULTETI I STUDIMEVE ISLAME

Prishtinë, 07.05.2012

N J O F T I M

Njoftohen të gjithë studentët e FSI-së si dhe personeli akademik se semestri i dytë (verori) përfundon më datë 31.05.2012

Provimet për afatin e qershorit fillojnë më datë 11.06.2012 dhe përfundojnë më datë 30.06.2012

Studentët duhet ta vërtetojnë semestrin e dytë prej datës 25.05.2012 deri më datë 05.06.2012, në të kundërtën nuk mund të hyjnë në provime në afatin e qershorit

Shërbimi për studentë!